Pragu i braktisjes

Kur braktisja vjen, ne ku ikim? Kësaj pyetjeje të pashtruar nga askush, por të ndërtuar në nënvetëdijen e poetit Noe Dajani, jeta e tij i kthen përgjigjen më të mirë. Ai kupton se bota e brendshme është shumë më e madhe se ajo e jashtmja, prandaj, nëse e para merr fund, as nuk vihet re çfarë ndodh në të dytën.

Veprime të nxituara, frikësuar nga ajo çfarë vetëm Dajani mund të humbë, thurur me vendime që ai merr duke dashur t’i përgjigjet sigurisë që të tjerët kërkojnë prej tij, ndërtojnë tabanin e një sërë ngjarjesh që në çdo rrethanë, kohë e hapësirë tjetër do të ishin krejt të pamundura.

Historia e këtij libri bie ndesh me të gjitha normat dhe tregon se dashuria nuk ndërton, por shkatërron atë çka mijëravjeçarët mund të kenë ndërtuar.